Smartlog-ek talentuaren garapen integraleko proiektuaindartu du Etxeondoren eta Orbearen babesarekin
Volvo Arregui da proiektuaren beste oinarrietako bat; aurrez iragarritako lankidetzaren bidez, proiektuari mugikortasun irtenbideak eskainiko dizkio 2026ari begira.
Berrikuntza eta talentuaren garapen integrala ardatz dituen Smartlog Nest proiektua 2026rako sendotzen ari da, beste bi kolaboratzaileen babesarekin: Etxeondo eta Orbea. Haiekin batera, Volvo Arregui ere proiektuan dago, aurrez iragarri bezala, mugikortasun irtenbideak eskainiz. Hiru kolaboratzaile hauek proiektuaren egitura indartzen dituzte eta gazte talentuaren garapenaren hainbat arlotan balioa ematen dute.
Testuinguru horretan sortu da Smartlog Nest Cycling Team, proiektuaren kirol alderdia. Taldeak errendimendu handiko ingurune bar eskaintzen die txirrindulariei, non hazi eta lehiatu daitezkeen, baina baita haien prestakuntza eta proiekzio profesionala sustatzen duen esparru bat ere. Smartlog Nest-en ikuspegiak etorkizuneko benetako aukerak sortu nahi ditu euskal txirrindulari talentuarentzat.
Kolaboratzaile berriek proiektuaren egitura eta epe luzerako ikuspegia indartzen dute. Esparru desberdinetatik, bat egiten duten markek ikuspegi bera dute: proiektu sendo bat eraikitzea, pertsonei koherentzia eta arreta emanez. Etxeondok, Orbeak eta Volvo Arreguik balioa ematen dute ikuspegi osagarrietatik, eta eredu arduratsu eta zentzuduna lortzen laguntzen dute, talentuari laguntzeko eta denboran sendotzeko pentsatua.
Diseinua eta erosotasuna txirrindularien zerbitzura
Etxeondok Smartlog Nest proiektuarekin bat egin du, goi mailako txirrindularitzako arroparen diseinuan eta fabrikazioan duen esperientzia eskainiz. Euskal marka honek ekipamendu profesional, eroso eta segurua eskaintzen du, lehiaketaren eskakizunetara egokitua.
Akordioa elkarrekiko konfiantzan eta euskal txirrindulari talentuari laguntzeko ikuspegi partekatuan oinarritzen da. Lankidetzak taldeko txirrindulariakbaldintza onenetan lehiatzea eta kirol mailan hazten jarraitzea ahalbidetzen du. Modu honetan, Etxeondok proiektuaren filosofía indartzen du: konpromisoa, jasangarritasuna eta etorkizuneko proiekzioa.
Talentuaren garapen integralarekiko konpromisoa
Talentu gazteari laguntzera bideratutako eredu bat garatzen laguntzen dio Orbeak Smartlog-i. Ekimenak arreta jartzen du gazteen jarraipen profesionalean eta lan etorkizunerako prestakuntzan, kirol ibilbideaz haratago.
Lankidetza honek Orbearen balio kooperatiboak eta pertsonen garapenarekin duen konpromisoa islatzen ditu. Kirola hazkunde pertsonal eta sozialerako tresna gisa ulertzen da, eta ikuspegi horretatik, Orbeak etorkizunerako benetako aukerak sortzen dituen eredu arduratsu eta iraunkor baten alde egiten du.
Proiektuaren oinarria indartzen duten mugikortasuna eta logistika
Aipatutakoez gain, Volvo Arregui ere proiektuaren kolaboratzaileetako bat da. Duela hilabete batzuk iragarritako lankidetzak mugikortasun irtenbideak eskaintzen dizkio proiektuari. Bere babesak proiektua sendo eta prest mantentzen laguntzen du 2026an abiarazteko.
Modu honetan, lankidetza honi esker taldearen egitura indartuko da, eta erantzukizunean, fidagarritasunean eta epe luzerako ikuspegian oinarritutako lan eredua babesten du. Bere inplikazioak Smartlog-en balioekin koherentea den irudi bat ere proiektatzen du.
Garapen integralerako oinarria indartuz
Lankidetza berri horiei esker, berrikuntza, prestakuntza eta goi mailako kirola bateratu ditzakegu, etorkizunerako benetako aukerak sortuz eta euskal talentua sendotuz. Smartlog Nesten ikuspegia partekatzen duten lehen mailako markak izatea funtsezkoa da proiektua kirol talde bat baino gehiago izan dadin, gazteen errendimendua eta garapen pertsonal eta profesionala uztartuz
Lankidetza horiek taldearen egitura eta garatu nahi dugun eredua indartzen dute, profesionalizazioan eta epe luzerako ikuspegian oinarrituta. Smartlog Nest txirrindulari talde bat baino zerbait gehiago izateko anbizioarekin jaio da. Kirol errendimenduaz haratago, gure helburua da euskal talentuari bere garapen pertsonalean eta etorkizuneko proiekzioan laguntzea, Euskal Herritik zentzua duen eredu sendo bat eraikiz.