ETORKIZUNEKO
LOGISTIKA

Kakushin

[Japoniera]

5.0 logistika eraginkorra eta jasangarria

Batura: aldaketa (kai) + iraultzailea. Berrikuntza, berritzea eta disrupzioa esan nahi du

Kontua ez da soilik garapen prozesua erraztuko duten tresna eta ekipo berriak aldatzea eta ezartzea, baizik eta hori egiteko modua errotik aldatzea.

Smartlogentzat, soluzio berritzaileak eskaintzeak ezarritakoaz harago joatea dakar, disrupzio estrategikoa eta teknologikoa dakar, bezeroaren eragikera premia guztiak asetzeko.

Etorkizuneko barne logistika ezartzen ari gara gaur

Gure 5.0 logistika ereduak industriaren barne logistikaren eta hornidura katearen egungo eta etorkizuneko erronkei erantzuten die. Ikerketan, berrikuntzan eta garapen teknologikoan oinarritzen da.

Smartlogen proposamena zera da: enpresek beren barne logistika behin betiko eraldatzea eta etorkizunari atea irekitzea. Bere eragikeraren eraginkortasuna eta lehiakortasuna areagotuz, eta, aldi berean, pertsonak eta planeta zainduz.

5.0 logistikako gure proposamen futurista, berez, automatizazioko teknologiarik aurreratuenean oinarritzen da, barne logistika erresilientea lortzeko, etengabeko aldaketa eta disrupzio agertoki batera egokitzeko gaitasunarekin, pertsonen ongizatean zentratuz eta betiere modu jasangarrian jardunez, ingurumen inpaktua minimizatzeko.

Konbinazioa: robotika mugikorra + AA, datuak eta biltegia kudeatzeko softwarea.

Gero eta teknologia modular, malgu eta eskalagarriagoak eskatzen dira, joera eta premia berrietara bizkor egokitu ahal izateko.

Smartlogen, beti gaude adi azken aurrerapenak gehitzeko.

5.0 logistikako gure soluzioek Big Data, Adimen artifiziala eta Machine Learning teknologiak biltzen dituzte. Konektibitatea eta monitorizazioa sustatzen ditugu, proaktiboak izateko.

Robotika mugikorra errealitate bat da gure proiektuetan. Egiaztapen sistema biometrikoak eta AArekin eta robotika kolaboratiboarekin lotutako irudi tratamendua ere sartzen ari gara dagoeneko.

Smartlogen eskaintzen ditugun barne logistika automatizatuko soluzioak datuetan oinarritzen dira. Egiten ditugun proiektuak datu historikoen, egungo datuen eta datu zenbatetsien azterketa sakon batetiksortzen dira.

Datuen ustiapenak, AAk eta Machine Learningek berekin dakarte gure kudeaketa prediktiboko softwareak prozesu automatizatuetatik ikastea, hobekuntzak proposatuz, konfigurazio berriak gomendatuz eta agertoki berriak aurreikusiz.

Horri esker, hornidura kateari adimena ematen diogu, eta barne logistikari eta mantentze lanei elementu prediktiboa txertatzen diegu, etorkizunari aurrea hartzeko.

Galys, biltegiak kudeatzeko gure softwarea, automatizazioen garuna da, eta euskarri integrala eskaintzen du, soluzio globalez hornitzen duena eta hornidura katea eta bezeroarentzako zerbitzua automatizatzen dituena.

5.0 logistikaren gakoak

Etorkizuneko logistika definitzen duten gakoak, guretzat, eraginkortasuna, teknologia, jasangarritasuna eta pertsonen ongizatea dira.

Eraginkortasuna

Barne logistika eraginkorra prozesuak optimizatzen dituen hura da, ahalik eta akats gutxien sortzen dituena, eta gure bezeroei aukera ematen diena lehiakortasuna hobetzeko eta hazteko aukerak indartzeko.

Smartlog soluzioek gure bezeroen zerbitzu maila eta erantzun gaitasuna hobetzen dituzte. Biltegiratze espazio erabilgarria ahalik eta gehien aprobetxatzeko diseinatuta daude soluziook.

Prozesuak optimizatzen, produktibitateari etekina ateratzen eta guztizko eragiketa kostuak murrizten laguntzen dugu, gure bezeroen lidergo posizioa finkatzea helburu.

Teknologia

Etorkizunerako gure estrategia argia biltegiak automatizatzeko datuetan oinarritutako robotika mugikorra da, eta soluzio teknologiko horiek gure katalogoan txertatu ditugu. Konektibitatea, Big Data, gauzen Internet (Iot), egiaztapen biometrikoko eta irudi tratamenduko sistemak, robot autonomoak eta kolaboratiboak, eta adimen artifiziala errealitatea dira gure proiektuetan.

Jasangarritasunerako teknologia

Ikuspegi jasangarriarekin eta pertsonengan zentratuta lan egiten dugu eta eragikeraren eraginkortasunetik harago jotzen dugu, ingurumen jasangarritasuna eta jasangarritasun soziala barne hartzeko. Hori karbono aztarna murrizten eta baliabideen erabilera optimizatzen duten praktiken inplementazioan islatzen da; gainera, aldi berean, bai pertsonak bai planeta baloratzen eta errespetatzen dituen negozio eredu bat sustatzen da.

Karbono aztarna murrizten du

Smartlogek robotikaren eta automatizazioaren aldeko apustua egiten du, baliabideen erabilera optimizatzeko, hondakinak murrizteko eta eraginkortasun energetikoa handitzeko. Horren adibide da picking zereginetan sistema robotikoak erabiltzea, eskuzko hautaketarekin alderatuta energia kontsumoa eta CO₂ emisioak murrizten baititu. Instalazioak argiztatu gabe lan egiteko eta kontsumoak murrizteko aukera ematen dute, eragiketa konbentzionalen ordez kontsumo txikiko robotak erabiliz.

Lan baldintzak hobetzen ditu

Automatizazioak lan baldintzak hobetzen laguntzen du, esaterako, ergonomian, eta eragiketa gogaikarriak edo ahalegin handikoak ezabatzen ditu; gainera, pertsonen bizi kalitatea hobetzen laguntzen du.

Logistika berdea

Logistika berdeari egiten diogun ekarpena microfulfillment-aren aldeko apustua da, desplazamenduen denbora eta kostua minimizatzea eta eskarien eskakizunak betetzeko eraginkortasuna handitzea dituelako helburu.

Pertsonen ongizatean zentratuta

Teknologiak ez du soilik jarduera logistikoa modu positiboan eraldatzen. Pertsonen ongizatea areagotzeko funtsezko faktorea ere bada. Teknologiak eragin positiboa du pertsonengan, gaitasun pertsonalak indartzen dituelako eta gure bizi kalitatea nabarmen hobetzen duelako. 5.0 logistikaranzko bilakaeran, pertsonen ongizatea zutabe nagusietako bat da, eta aldaketa nabarmena markatzen du teknologiak sektore logistikoaren barruan garatzeko eta aplikatzeko moduan. Berrikuntza teknologikoek prozesuak optimizatzea, eragikeraren eraginkortasuna hobetzea eta langileen eta erabiltzaileen bizi kalitatea nabarmen hobetzea dute xede. Horretarako, murriztu egiten dira lan gogaikarri eta arriskutsuak, eta segurtasuna eta ergonomia lehenesten duten lan ingurune hobetuak ezartzen dira.

Pertsonen zerbitzura dagoen teknologia logistiko baten bidez lan inguruneak hobetzea

Gure 5.0 logistika ereduan, pertsonak erdigunean daude. Hola, teknologia ongizaterako palanka bihurtzen da, langileen errendimendua, segurtasuna eta bizi kalitatea hobetzen dituelako. Teknologiak ez ditu pertsonak ordezkatzen; aitzitik, haiekin lankidetzan dihardu, haien gaitasunak indartuz.

Ahalduntzea

Prozesu logistikoetan teknologia erabiltzeak, sarritan, langileak gaitzea eta haien trebetasunak garatzea eskatzen du. Horrek hazkunde profesional eta pertsonalerako aukerak eskain ditzake, eta pertsonak ahalduntzen laguntzen du, trebetasun baliotsuak ematen baititu, enplegagarritasuna handitzeaz gain.

Segurtasuna eta ergonomia

Karga fisikoa murrizten dugu, eta logistikako lan inguruneetan segurtasuna hobetzen. Horrek lan giro seguruagoa eta osasungarriagoa izaten lagun dezake, langileen ongizatearen mesedetan.

Eraginkortasuna eta produktibitatea

Entrega denborak laburtu egiten dira, akatsak minimizatuz eta eraginkortasuna, oro har, hobetuz. Hola, denbora libre eta baliabide gehiago eduki daiteke pertsonek jarduera esanguratsu eta gogobetegarriagoetan jar dezaten fokua, haien ongizatearen mesedetan.

Erabakiak hartzea

Inbentarioari, garraio ibilbideei eta eskarien egoerari buruzko informazio kritikoa eskuratzeko berehalako sarbidea, besteak beste. Horri esker, erabakiak informazio gehiagorekin eta azkarrago har daitezke, eta hori lagungarria izan daiteke prozesu logistikoetan parte hartzen duten pertsonen kontrol eta ahalduntze zentzua areagotzeko.

Akatsak murriztea

Gero eta tresna zehatzagoak eta sistema automatizatuak erabiliz, giza akatsak minimizatu egiten dira; horren ondorioz, prozesu fidagarriagoak eta kalitate handiagoko emaitzak lortzen dira.

Pribatutasuna eta zibersegurtasuna

Teknologiak nabarmen indartu dituen alderdiak dira biak ere. Gero eta digitalizatuago dagoen mundu honetan, informazioa babestea eta lineako transakzioak ziurtatzea lehentasun bihurtu da. Egungo soluzio teknologikoek datuak babesteko sistema sendoak eskaintzen dituzte, gizabanakoen nahiz erakundeen integritatea eta pribatutasuna bermatuz.

Zerbitzuaren kalitatea

Zehaztasun, ikusgarritasun, abiadura, pertsonalizazio eta eraginkortasun handiagoa eskaintzen dugu eskariak eta entregak kudeatzean. Ondorioz, bezeroen esperientzia atseginagoa da, denbora errealeko segimendua, komunikazio proaktiboa, entrega aukera malguak, pertsonalizazioa eta itzulketen kudeaketa eraginkorra eskaintzen baitira. Horrek indartu egiten du pertsonen eta bezeroen arteko harremana, eta merkatuan lehiakortasun handiagoa ematen die enpresei.

Enplegua

Adimen Artifiziala, Gauzen Internet (IoT) eta halako teknologia aurreratuak 5.0 logistikan integratzeak aukera ematen du sistema logistikoen zehaztasuna eta eraginkortasuna hobetzeko eta aurrerapen horiek giza ongizatea hobetzera bideratzeko. Etapa berri honetan, giza interakzioa funtsezkoa da prozesu digitalizatuen barruan, eta teknologia giza talentuari laguntzeko euskarri izatea (eta ez ordezkapena izatea) bermatzen du. Enpleguak suntsitu beharrean, automatizazioak enpresa lehiakorragoak izaten eta lan aukera berriak sortzen lagun dezake.

Erresilientziarako teknologia

AA 5.0 logistikan

Adimen artifizialean (AA) oinarritutako 5.0 logistika soluzioak merkatuaren aldaketetara egokitzen dira, eta lehiakortasuna hobetzen dute, mantentze lan prediktiboa eta halako prozesuak aurreikusiz eta etengabe hobetuz. AAk aukera ematen du eragiketen plangintza eta gauzatzea optimizatzeko, eskaera aurreikusteko eta inbentarioa eraginkortasunez kudeatzeko, kostuak murriztuz eta bezeroarentzako zerbitzua hobetuz. Gainera, denbora errealeko ibilbideak optimizatzen dituzten eta produktuen sailkapenean eta segimenduan zehaztasuna areagotzen duten teknologia aurreratuak inplementatzea ahalbidetzen du, jasangarritasuna eta segurtasun operazionala hobetuz.