Multishuttle: sistema bizkorra eta eskalagarria
BILTEGIA
AUTOMATIZATZEA
Biltegiratze automatizaturako soluzio moldakorra
Biltegi barruan kutxak, erretiluak edo edukiontziak azkar eta modu eraginkorrean mugitzeko eta gordetzeko pentsatutako teknologia bat da.
Bere anezka independenteak hainbat mailatatik pasatzen dira, eta prestaketa estazioetara iristeko balio duten jasogailuen ondoan lan egiten dute; horrek ahalbidetzen du salgaien fluxua etengabe konstantea izatea.
Salgaia antolatzen du, eta prozesu bakoitzak behar duen sekuentzia zehatzean entregatzen du, prestaketa eta bidalketa ahalik eta zehatzenak izatea bermatuta.
Multishuttleri esker, eskaerak abiadura handiagoz kudeatzen dira, erabilgarri dagoen espazioa optimizatzen da, eta eskaera aldaketetara erraz egokitzen da, produktibitatea hobetuta eta eragikera kostuak murriztuta.
Multishuttle sistemen abantailak zure biltegirako
⚡ Edukiontziak, erretiluak edo kutxak abiadura handiz sartzen eta irteten dira
🎯 Eskaeren sekuentziazio zehatza, picking eta bidalketa lerroetarako aproposa
🔄 Salgaien fluxu etengabea, baita eskaera handiko uneetan ere
📦 Erreferentzia bolumen handia kudeatzea, errotazio maila batekin baino gehiagorekin
🛠️ Diseinu modularra eta eskalagarria, errei, shuttle edo maila gehitzeko aukerarekin
✅ Espazio bertikala ahalik eta gehien aprobetxatzea, bere jasogailuei esker
🔎 Akats gutxiago eta eragikera kostu txikiagoak eskaerak prestatzean
🍃 Energia eraginkortasuna eta jasangarritasuna, baliabideak eta eragiketak optimizatuz
Deskargatu informazio gehiago duen fitxa teknikoa
Proiektu bakoitzerako azterketa pertsonalizatua
Enpresa bakoitzak behar desberdinak ditu, eta, horregatik, fluxuaren, espazio erabilgarriaren eta hazkunde helburuen azterketa zehatza egiten dugu Multishuttle sistema ezarri aurretik.
Horrela, neurrira egindako soluzio eskalagarri eta malgu bat diseinatzen dugu, zeinak biltegiaren errendimendu handiena ziurtatuko baitu eta inbertsioak lehenengo egunetik efizientzia, produktibitatea eta kostuen murrizketa ekartzea bermatuko baitu.
Multishuttle sistemaren funtzionamendua
Multishuttle anezkak modu independentean mugitzen dira hainbat mailatatik, kutxak, erretiluak edo edukiontziak azkar eta zehatz garraiatzeko. Horrek ahalbidetzen du anezkaren bat gelditu arren sistemak normaltasunez funtzionatzen jarraitzea, eta, horrela, etenik gabe eta modu fidagarrian lan egingo dela bermatzen da.
Jasogailu bertikalek mailak eta lan estazioak lotzen dituzte, salgaia prestaketa edo bidalketa puntura azkar eta ordenatuta iritsiko dela ziurtatzeko. Diseinu horri esker, produktu fluxua konstantea eta etenik gabea da beti. Sistema honek sarrera eta irteeren fluxu handiena bilatzen du. Gure multishuttle sistemak kutxen 3 sakonera ere izan ditzake, eta pala hainbat kutxa zabaleratara egokitu dezake. Zerbait berritzailea da, benetan.
Biltegi automatiko independente gisa funtziona dezake edo beste prozesu batzuekin integratu daiteke, hala nola picking, sailkapen, bidalketa edo ekoizpen prozesuekin. Kasu bietan birika logistiko gisa jokatzen du, lan erritmoa erregulatzen baitu, meta biltegi barruan salgaien fluxu konstantea mantenduta.
Shuttleak azkar kendu daitezke konpontzeko eta denbora oso laburrean beste batzuekin ordezkatu. Horri esker, mantentze lanak sistematik kanpo egin daitezke, funtzionamendua eten gabe, eta, horrela, zerbitzuaren erabilgarritasun handia eta jarraitutasuna ziurtatzen da.
Biltegiratze antolamendu adimenduna
Multishuttle sistemak buffer dinamiko baten antzera egiten du lan, hau da, aldi baterako biltegiratzen ditu kutxak, erretiluak edo edukiontziak, lan estazioan behar izan arte. Horri esker, biltegi barruko produktuen fluxua erregulatu daiteke, eta botila lepoak saihestu.
Salgaia eskatzen den ordena zehatzean entregatu dezake. Sekuentziazioa esaten zaio horri. Horrela, eskaera bakoitzean edo ekoizpen lerro bakoitzean artikuluak sekuentzia egokian jasotzen dira, eskaeren prestaketa zein bidalketa optimizatuta.
- Materialen barne fluxua kontrolatuagoa da.
- Ordena zehatzean prestatzen dira eskaerak, eskuz berriz antolatu beharrik gabe.
- Lanik gabeko denborak murriztea eta ondorengo prozesuetan eraginkortasun handiagoa izatea.
Abiadura mugimendu bakoitzean
Multishuttle sistema orduko mugimendu ugari kudeatzeko gaitasunagatik nabarmentzen da, shuttle azkarrak eta jasogailuak konbinatuz. Horrek egiten du erreferentzien errotazio handia eta eskaeren gorakada biziak dituzten biltegietarako soluzio ezin hobea izatea.
Eragiketa bakoitza optimizatuta dago produktuak biltegitik prestaketa gunera azkar joan daitezen, eta itxaronaldiak txikiagoak izan daitezen, eskaerak fidagarritasun osoz kudeatzen direla ziurtatuta.
Ingurune hoztuetan eta izoztuetan lan egitea
Multishuttlek hotz katean lan egiteko egokitutako bertsioak ditu. Hozte ganberetan zein izozte ganberetan lan egiteko egokiak dira, eta –25ºC-ko tenperaturan ere lan egin dezakete. Gaitasun hori dela-eta aproposa da elikaduraren sektorean edo farmaziakoan lan egiteko, sektore horietan funtsezkoa baita produktuen osotasunari eustea.
Sistemak ahalbidetzen du langileek gune epeletan lan egitea eta hotzeko manipulazioa, berriz, erabat automatikoki egitea. Horrela, laneko segurtasuna hobetzen da, muturreko baldintzekiko esposizioa murrizten da eta energia kontsumo eraginkorragoa lortzen da, ganberak ahalik eta gutxien irekita eta haien barruko tenperatura egonkor mantenduta.
Multishuttle sistema baten onurak biltegi automatizatu batean
Arintasuna mantentzen du jarduera handieneko denboraldietan ere. Orduko mugimendu ugari prozesatzeko duen gaitasunak botila lepoak saihesten ditu, eta une jakinetan baliabideak handitu beharrik gabe erantzuteko aukera ematen du.
Hainbat tamainatako kutxak, erretiluak eta edukiontziak fluxu berean maneiatzeko prestatuta dago sistema. Malgutasun hori dela-eta aproposa da askotariko produktu sortak eta ezaugarri oso desberdinak dituzten produktuak gordetzen dituzten biltegietarako.
Garraiagailuekin, picking estazioekin, sailkapen sistemekin edo ekoizpen lerroekin ere konekta daiteke. Nodo zentral baten antzera jokatzen du, kate logistiko osoan materialen etengabeko fluxua bermatuta.
Bere diseinu modularrari esker, faseka instalatu daiteke eta negozioaren erritmora egokitu. Horrek egiten du eguneroko eragiketetan inpaktua txikiagoa izatea, eta proiektuaren lehen etapetatik onurak izatea.
Biltegiak automatizatzeko soluzio gehiago ikusi
Jarri harremanetan sail teknikoarekin, aholkularitza pertsonalizatua izateko
Multishuttle sistema ezartzea: arrakasta kasuak
Multishuttle sistemari buruzko informazio gehiago
