Skycollect: kaxak biltegiratzeko modua automatizatzea, obrarik gabe
BILTEGIA
AUTOMATIZATZEA
Punta-puntako biltegiratze automatizatuko sistema, egiturazko aldaketarik gabe
Skycollect kaxak automatikoki biltegiratzeko eta manipulatzeko soluzio bat da. Biltegian dagoen egituran integratzen den “aktibo arinen” sistema, obra egin behar izan gabe eta ezarpen arin eta eraginkorra bermatuz.
Daukan diseinuak abiadura, doitasun milimetrikoa eta malgutasun maximoa uztartzen ditu, eta horrek aliatu estrategiko bihurtzen du intralogistika modernoarentzat; hala, salgai fluxu jarraitua ziurtatzen da eragiketa guztietan.
Lehendik dagoen apalategian zuzenean instalatutako errailen gainean lan egiten duen teknologia inplementatu, eta biltegi tradizionaletako eragiketak eraldatzeko duen gaitasuna funtsezko ezaugarria da, eta horrek aukera ematen die enpresei askoz ere inbertsio txikiagoarekin eta inplementazio denbora motzekin beren eragiketak modernizatzeko.
Skycollect-ek zure biltegi automatizaturako dituen abantailak
Obra konplexurik gabeko instalazioa: Lehendik dagoen egituran eta apalategian integratzen da, kostuak eta martxan jartzeko denborak murriztuta
⚡Abiadura eta doitasun handia: Mugimendu bakoitza zehaztasun milimetrikoz gauzatzen da, salgaia zainduz eta fluxua azkartuz
Erabateko malgutasuna: Hainbat tamainatako kaxak eta edukiontziak kudeatzen ditu, egokitzapen gehigarrien beharrik gabe
Eragiketa jarraitua eta segurua: Detekzio sistema aurreratuek 24/7ko fidagarritasuna bermatzen dute eskakizun handieneko inguruneetan
Espazioari ahalik eta etekin handiena ateratzea: Azalera handitu gabe, biltegiratze dentsitatea handitzen du
Eskalagarritasuna: Gaitasuna handitzeko aukera ematen du, soil-soilik korridore berean unitate gehiago gehituz, eta, hala, eskari handietara edo negozioaren hazkundera egokitzen da
Mantentze lan erraza: Bere diseinu modularrari esker, erraz ordezka eta berrikusi daitezke osagaiak, biltegiaren funtzionamendua eten gabe
Jasangarritasuna txertatuta: Ezarpenean, baliabideen erabilera minimizatzen du, eta, eragikeran, energia eraginkortasuna optimizatzen du
Proiektu bakoitzerako azterketa pertsonalizatua
Enpresa bakoitzak premia zehatz batzuk izaten ditu, eta, horregatik, gure sistemetako bat ezarri aurretik, fluxuaren, espazio erabilgarriaren eta hazkunde helburuen azterketa zehatza egiten dugu.
Horrela, neurrira egindako soluzio eskalagarri eta malgu bat diseinatzen dugu, zeinak biltegiaren errendimendu handiena ziurtatuko baitu eta inbertsioak lehenengo egunetik eraginkortasuna, produktibitatea eta kostuen murrizketa ekartzea bermatuko baitu.
Sistemaren eta bere roboten funtzionamendua
Skycollect modu erabat automatizatuan mugitzen da apalategietan bertan instalatutako errailen gainean. Era horretan eskaerak biltegiratzeko eta prestatzeko eragiketak azkar eta zehatz kudeatzen dira. Daukan nabigazio adimendunari eta kontrol sistemei esker, mugimendu bakoitza modu seguru eta fidagarrian gauzatzen da.
Urkila teleskopikoak automatikoki egokitzen dira tamaina guztietako kaxa eta edukiontzietara, eta hainbat sakonera eta apalategi mailetara iristen dira. Horri esker, eskuragarri dagoen hutsune bakoitza aprobetxa daiteke, eta salgaien fluxu jarraituari eutsi, baita eskaera handiko uneetan ere. Era horretan, robot bakar batek kaxa handiak zein txikiak mugitu ditzake, sakonera ezberdinetan, doikuntzarik egin gabe. Are gehiago, eragiketa bakar batean hainbat kaxa batera mugitzeko gai da.
Sistema jasotzeko bidea 350 milimetrora iristen da; alegia, industriako estandar tradizionalak gainditzen dira, eta biltegiratze maila guztietarako sarbide optimizatua ahalbidetzen da, inolako mugarik gabe. Igotzeko ahalmen hori apalen alboetako eta beheko eragiketa malgutasunarekin uztartzen da, shuttle libreko funtzionaltasunaren bidez; era horretan, eskuragarri dagoen biltegiratze espazio osorako sarbide osoa eskaintzen da.
Automatizazioa, batere obrarik egin gabe
Skycollect lehendik biltegian dagoen egituran integratzen da, lurzorua aldatu behar izan gabe eta obra handiak egin behar izan gabe. Horrek kostuak murrizten ditu, ezarpena bizkortzen du eta eguneroko jardunean etenak saihesten ditu.
Eskalagarritasuna eta mantentze lan erraza
Sistemak pixkanaka gaitasuna handitzeko aukera ematen du, korridore berean robot gehiago gehituta; hala, lanari aurre egin ahal izango zaio jarduera askoko uneetan edo negozioa handitzen denean. Gainera, daukan diseinu modularrari esker, erraz mantendu eta ordezkatu daitezke osagaiak, biltegiko jarduna eten gabe.
Bateragarritasuna eta integrazio erraza
Skycollectek hainbat altueratako apalategietan lan egin dezake, eta kartoi estandarreko kaxak zein tamaina askotako edukiontziak manipulatu. Moldagarritasun horri esker, erraz egokitzen da era askotako biltegi konfigurazioetara. Gainera, erraz integratzen da garraiagailu edo robot mugikorrekin (AMR), eta, horrenbestez, salgaia automatikoki utz daiteke entrega puntuetan, eta biltegi barruko fluxu jarraitua ziurtatu daiteke.
Kaxak automatikoki biltegiratzeko Skycollect sistema ezartzearen onurak
Sistemak esekidura independente bat du gurpil bakoitzean, mugimenduan bibrazioak eta zarata murrizten dituena. Horrek lan ingurune erosoagoa ziurtatzen du, eta eragiketa bakoitzean salgaiaren osotasuna babesten du. Gainera, laser sentsoreek ingurua eskaneatzen dute, oztopoak detektatzeko eta eragiketa segurua bermatzeko.
Skycollecti esker, ezarpenean, are baliabide gutxiago erabiltzen dira, eta, eragikeran, energia eraginkortasuna optimizatzen da. Sistemak etengabeko elikadurarekin jarduten du, kontaktu lerro irristakor baten bidez, eta horrek dakar etenik egin behar ez izatea bateriak kargatzeko, eta funtzionamendu konstantea eta eraginkorragoa ziurtatuta izatea.
Skycollect AS/RS sistemak aplikazio arrakastatsua dauka sektore industrial anitzetan, hala nola retail, ecommerce, farmazeutika, fabrikazioa, banaketa, hirugarrenen logistika, produktu bukatuen biltegiak eta banaketa zentro automatizatuak. Berezkoa duen aldakortasunari esker, korridore bakoitzeko ibilgailu bakarra duten konfigurazio indibidualak, edo gaitasun handiagoa behar izanez gero, korridore bakoitzeko hainbat ibilgailu dituzten askotariko sistemak inplementatu daitezke, baita automatizazioarekin integratzen diren sistema hibridoak ere.
Biltegiak automatizatzeko soluzio gehiago ikusi
Jarri harremanetan sail teknikoarekin, aholkularitza pertsonalizatua izateko
Skycollect sistema ezartzea: arrakasta kasuak
Skycollect sistemari buruzko informazio gehiago
