Xabier Zubizarretaren elkarrizketa, Logistica Profesional aldizkarian argitaratua
Testuinguru horretan garrantzitsua da jakitea egiazki zenbat enpresak duten gutxi gorabehera gaur egun automatizazio eta robotika mugikorra ezarrita beren eragikeran, sektoreak gai horri dagokionez duen heldutasun maila ikusteko
“Oso zaila da beren prozesuak hobetzeko sistema automatizatuak ezartzearen alde egiten duten enpresak ehunekotan kuantifikatzea. Ez nintzateke zenbaki bat ematera ausartuko. Esan dezakedana da, tamaina edozein dela ere, horrelako soluzioekiko interesa gero eta handiagoa dela.
Jada ez da beharrezkoa enpresa handia izatea, ezta ertaina ere, enpresa txikiek ere beren prozesuak hobetzeko soluzio automatizatuak aplikatzeko interesa baitute. Hori bai, beren aukeren barruan eta beren beharretara egokitutako soluzioekin.
Garrantzitsuena da ulertzea automatizazioa beren jarduera prozesuak eta eraginkortasuna hobetzeko bitartekoa dela. Gure bezero batek dioen bezala, automatizazioa probatzen duzunean, atzera bueltarik ez dagoela eta hala egiten jarraitzea beharrezkoa dela konturatzen zara.
Argi eta garbi, bide hori aukeratzen duten enpresek abantaila izango dute bide hori hartzen ez dutenekin edo geroago hartzen dutenekin alderatuta”.
BINOMIO IRABAZLEA
Automatizazioa + adimen artifiziala, automatizazioa + big data, automatizazioa + robotizazioa... hamaika aukera daude sektorerako dauden azken teknologiak eta eraginkortasun handiena lortzeko helburua elkarrekin lotzeko, baina, ba al dago binomiorik, besteak baino errentagarriago denik?
“Guretzat, binomio perfektuak bildu beharko lituzke robotika mugikorra eta teknologiaren bat: IIoT (Industrial Internet of Things), big data, adimen artifiziala edo machine learning. Biak eskutik doaz, eta denboran, jarduera logistikoaren ikuspegi askoz zabalagoa izatea ahalbidetzen dute. Datuen ustiapenaren bidez, agertoki edo behar berriak aurreikustea edo aurreratzea, ekipoen funtzionamendua etengabe hobetzea eta iritsi daitekeenari aurrea hartzea ekarriko duten portaera ereduak kudeatzea lortzen da.
Smartlogen, robotika mugikorra dugu ardatz, abantaila handiak eskaintzen dituelako, hala nola malgutasuna, eskalagarritasuna, 360º hazteko gaitasuna, produktibitatea eta iraunkortasuna. Baina guretzat indargune handiena da erabilgarritasun mailak %100era hurbiltzen direla, eta horrek aukera ematen du 24 orduz etengabe lan egiteko, urteko 365 egunetan, eta, horren ondorioz, prezio, kostu eta denbora aldagai lehiakorrak aldi berean hobetzen dira.
Automatizazio soluzio tradizionalagoetan ez bezala, robot batean errore edo akats bat gertatzen bada, sistema ez da gelditzen, baliteke jarduera nabarmen murriztea eta salgairen bati kaltea eragitea, baina gainerakoek lanean jarraituko dute, produktua une oro eskuragarri egon dadin. Hura ordezkatzeko stockean beste bat izanez gero, eragikera bere hasierako egoerara itzuliko da denbora gutxian. Ez, ordea, soluzio ez-robotikoekin, non elementu zentral batean arazo bat dagoenean, sistema geratu egiten den, eta kaltetutako produktuak horietara ez iristeko moduan geratzen diren”.
SEKTOREAREN BILAKAERA
Automatizazioaren inguruan zer garapen ikusiko ditugu datozen urteetan? Alderdi horretan, norantz egingo du sektoreak?
“Teknologia disruptibo eta emergenteak agertu direnez gero, eraldaketa handiak gertatzen ari dira. AAn eta machine learning-ean egin berri diren aurrerapenak garapen kostuak murrizten eta moldagarritasuna handitzen laguntzen ari dira, eta horrek aplikazio gehiago ahalbidetzea dakar, errentagarritasun eta segurtasun handiagoarekin.
Badaude beste adibide batzuk ere; esaterako, pertsona baten ezaugarri fisiko berezia ezagutzean oinarritutako teknologia biometrikoa, edo nabigazio, manipulazio eta soinu ikuspen eta detekzioan egin diren aurrerapen garrantzitsuak. Picking automatizatua ikuspen robotikoari esker hasi da posible izaten. Ikaskuntza automatikoarekin, gero eta hurbilago gaude pertsonen begia-eskua koordinazio maila lortzetik, abiadura handiagoan eta nekerik gabe.
Hala ere, guretzat hurrengo urratsa 5.0 Logistikan, datuetan eta aurrea hartzean dago oinarrituta. Esan dezagun robotizatutako biltegiaren arrakasta ez dela robota, robota kudeatzen duen garuna baizik. Robotak, garun batek pilotatuta, haien artean komunikatuko dira, portaerak autozuzenduko dituzte eta ezagutza gehituko dute, beste robot batzuei transmititzeko, haiek ere beren jarduerak modu autonomoan eta zuzentzailean zuzendu ditzaten. Horri, sortzen diren datuen bidez, ezagutza ustiatzeko eta sortzeko teknologiak gehitzen badizkiogu, gai izango gara eredu batzuk sortzeko, eta eredu horiek ahalbidetuko dute portaerak denbora errealean interakzioan aritzea, portaerak aurreikustea eta egokitzea.
Smartlogen, ildo hori lantzen ari gara. Datuen ustiapenak, adimen artifizialak eta machine learning-ak dakarte biltegiak kudeatzeko gure Galys softwareak eta instalazioen monitorizazio eta kudeaketa prediktiborako gure sistemak prozesu automatizatu guztien funtzionamendutik ikastea, eta, hala, hobekuntzak proposatzen ditu, mantentze lanak programatzen ditu, konfigurazio berriak gomendatzen ditu eta agertoki berriak aurreikusten ditu”.
AZKEN MILIA, GERO ETA PISU HADIAGOAREKIN
Azken miliak are pisu handiagoa du eta hartuko du datozen urteetan. Arau aldaketen eraginez, orain arte ezarrita zeuden eragikera oinarri guztiak kolokan jartzen ari dira, eta automatizazioa aliatu handia izan daiteke ‘aro berri’ honetan
“Azken miliak zeregin gakoa du enpresako prozesu logistikoen barruan. Gaur egun, aldaketa sozial, teknologiko, demografiko, urbanistiko eta iraunkortasunekoei egin behar diegu aurre. Aldaketa horiek lehiakorragoak izatea ahalbidetuko dieten irtenbideak bilatzera bultzatzen dituzte hornidura kateko arduradunak, entregak lokalak eta gero eta azkarragoak eta pertsonalizatuagoak izan daitezen, eta kanal askoren bidez egindakoak.
2030 Agendaren garapen iraunkorrerako helburuek karbono aztarna eta banaketarako baldintzak hobetzea ere eskatuko dute. Enpresek, beraz, negozio eredu berriak sortu behar dituzte produktuak kontsumitzaileei hurbiltzeko, baldin eta azken milian oinarritutako hainbat entrega aukera onartzen badituzte.
AA sistemak ere kontuan hartu beharreko aldagai garrantzitsuak izango dira, honako hauekin zer gerta daitekeen aurreikusteko: eskariarekin, entrega pertsonalizaturako garraio beharrekin, eskaerak banaketa hasi baino lehenagoko aurrerapen egoki eta beharrezkoarekin prestatzeko automatizazioarekin, garraiorako bitarteko onena aukeratzearekin, trazabilitatearekin eta bidalketaren jarraipenarekin…
Horrenbestez, automatizazioa jada ez da aukera bat, must bat da, industria estrategian bai edo bai jaso behar den zerbait. Argi dago, ahalik eta azkarren automatizatu diren edo automatizazioa ezartzea lortu duten enpresek abantailak izango dituztela automatizatu ez direnen aldean”.
ROBOTIKA MUGIKORRA
Prozesu logistikoen robotizazioaren abantailetako bat da robotak gehitu eta kentzeko gaitasuna daukala, hornidura katean eskaria bete ahal izateko. Azalpena: nola ari diren enpresekin alderdi hori lantzen inplementazio optimoa lortzeko
“Operadore logistikoek etorkizuneko software zein hardware ikuspegia duten teknologietan inbertitu behar dute, era horretan, etengabeko hazkundearen aldaketetara egokitu ahal izango baitira. Gu bezeroaren alboan egoten gara beti: I+G+Btik hasita, beharren azterketa egin, eta harik eta soluzio espezifikoak ezarri arte, eta ondoren jarraipena eta optimizazioa ere egiten ditugu.
Erabilgarritasuna eta agertoki berrietarako etengabeko egokitzapena bermatu nahi ditugu. Zehatz mehatz aztertzen ditugu ezaugarriak, datu errealak eta behar logistikoak, beti ikuspegi global eta etorkizunekoarekin. Analisi honek aukera ematen digu soluzio guztiz pertsonalizatuak eraikitzeko, bilatzen ari garen malgutasuna eta eskalagarritasuna emango diguten automatismo eta teknologiak txertatuz.
Malgutasuna, ekipo mugikorren artean lanak banatzean oinarrituta, zereginak elkarrekin egiteko koordinatu daitezen. Horien kopurua lan kargaren beharraren arabera aldatuko da.
Eskalagarritasuna, elkarrekin joan behar ez duten bi dimentsio bereizitan: biltegiratze gaitasuna eta fluxua. Biltegiratze gaitasuna handitu daiteke modu modular batean eta lantegiko lay-out-era egokituz, edo, bestela, fluxua handitu, sistemari ekipo mugikor gehiago gehituz sarrera edo irteeretan.
Halaber, lehen aipatu dugun bezala, datuen monitorizazio eta ustiapen teknologia dugu, intralogistika prediktiboa eskaintzeko aukera ematen diguna”.