Intralogistikarako 5G bikaintasun zentro bat
Smartlog Group enpresa aitzindaria da Intralogistikarako 5G bikaintasun zentro bat sortzen, Fujitsu Technology Solutionsekin batera.
- Smartlogen 5G showrooma Europan egiten den 5G SA (stand alone) sare pribatu baten lehen ezarpena da, sarean integratutako IoT eta robotika mugikorreko sistemak fusionatuz.
- Sistemen eraldaketa digitala bilatzen duten bezeroen eta enpresen zerbitzura dagoen esperimentazio eta laborategi zentroa da, eta manufaktura eta logistika industriaren barruan soluzio zehatzagoak eta eraginkorragoak sortzea ahalbidetuko du.
- Teknologien aplikazioa, besteak beste honako hauek konbinatuta: IoT, RDIF, robotika mugikorra, CCTV 4K (irudien tratamendu aurreratua), datuak aztertzeko tresnekin eta intralogistika zerbitzuen optimizazioari aplikatutako adimen artifizialarekin… Horiek guztiek kalitatezko eta eraginkortasun handiagoko soluzio berritzaileak garatzea ahalbidetuko baitute.
Europan egiten den 5G SA (stand alone) sare pribatu baten lehen ezarpena da
Industria eta logistikaren sektorean prozesatu beharreko datuen kopuruak nabarmen egin du gora, eta egungo gizartearen digitalizazio mailek ere hazkundea izan dute; horrenbestez, beharrezkoa da komunikazio modu berriak bilatzea, enpresei beren azpiegituren eraldaketa digital erreal batera egokitzeko aukera emateko.
Testuinguru horretan, ekainean abian jarriko da 5G SA showrooma sortzeko proiektua, Smartlog Taldeak eta Fujitsu Technology Solutionsek 2022ko abenduan sinatutakoa. Ekimen hau izango da, beraz, Europan instalatutako lehen 5G SA (stand alone) sare pribatuaren oinarria.
Era horretan, Smartlog Taldeak zerbitzu logistikoen eta biltegiratzearen kudeaketaren eraldaketa digitalaren alde daukan konpromiso sendoa erakutsi du, ekoizpen instalazio malguagoak, autonomoagoak eta eraginkorragoak diseinatuta.
Punta-puntako 5G teknologia erabiltzeak enpresaren aktiboak elkarren artean konektatzen dituen ekosistema digital bat sortzea ziurtatzen du, eta horrek aukera ematen du, adimen artifizialaren erabilerari esker, datuak denbora errealean modu seguru eta eraginkorrean jasotzeko, aztertzeko eta monitorizatzeko. Horrek errendimendu eta eraginkortasun hobetua bermatzen du, eta, aldi berean, datuen pribatutasuna babesten du.
Showroomean eskuragarri egongo diren soluzio batzuk biltegiak kudeatzeko ditugun softwareak eta muturretik muturrerako monitorizazio sistema dira, teknologia aurreratuak dituztenak, hala nola Adimen Artifiziala, Ikaskuntza Automatikoa, iIoT (Gauzen Internet Industriala) eta 5G teknologia.
Gure esperimentazio zentroan ezarritako kudeaketa eta optimizazio softwareak aukera ematen du aktiboen egoerari buruzko datuak denbora errealean lortzeko, eta kontrol zentralizatuari esker, balio KPIak sortzen ditu; esate baterako, produkzio lerroaren errendimendua, igorpenak eta kontsumoak. Alderdi horiek kritikoak dira lantegiko segurtasuna eta langileen eta, oro har, gizartearen ongizatea bermatzeko.
Zehazki, E5G teknologia duen zentro honek hasieratik ikuspegi artifizialeko AA teknologia integratuko du, makinen eta langileen trazabilitaterako, identifikazio biometrikorako eta portaera parametroak sortzeko:
- Aktiboen trazabilitatea. Horietako bakoitzaren jarraipen zehatza eskatzen du, guztiak kokatzea eta haien zaintza katea kontrolatzea ahalbidetuko duen zerbitzu sare baten bidez. Gainera, harrera zein bidalketa lanak automatikoki egitea, zereginak eta lan ibilbideak egiteko erabilitako denbora optimizatzea eta gainbegiratzea errazten du, eta hori guztia eragikera kostuak murrizteko.
- Identifikazio biometrikoa. E5Gk aukera ematen du abangoardiako identifikazio teknologiak erabiltzeko, irudia eta ahotsa baliatuta, erabiltzaileen erregistro kontrolerako eta sarbideak baliozkotzeko. Ibilgailuen sarreran, lehendik matrikularekin eginda dagoen egiaztapenari beste egiaztapen gehigarri bat egiteko modua emango du. Sistemak aktiboak arakatzea eta lan ingurunekoak ez diren pertsonak detektatzea errazten du, baita langileak eremu arriskutsu edo mugatuetan ote dabiltzan identifikatzea ere.
- Portaeren parametroak. Fujitsuren algoritmoek egindako irudien analisian AA erabiliz, eragiketa, zirkuitu edo une desberdinetan parametro horiek identifikatzeko gai da sistema. Eta aukera egongo da hainbat proposamen lantzeko, ibilbideen optimizaziorako, produktuak apalategietan banatzeko, picking sekuentziak egiteko edo horrekin lotutako ahaleginen eraginkortasun ergonomikorako.
Bezeroen eta laguntzaileen zerbitzura
Smartlogek garapen laborategi edo bikaintasun zentro hori, 5G Showrooma deitzen duguna, bezeroen eta laguntzaileen zerbitzura jartzen du, Urretxun (Gipuzkoa-Espainia), ingurune digital eta fabrikazio inguruneetan eraldaketa digitalari lotutako etorkizuneko arrakasta kasuak probatu eta inplementatu ahal izateko.
Soluzio horrek irudiak zein produktuak detektatzeko eta pertsonak ikusteko punta-puntako teknologia du, prozesu logistikoen eraginkortasuna hobetzeko. Zibersegurtasuna ere lehentasuna da 5G Showroomean, eta horrek aukera ematen du gure bezeroen datuen eta informazioaren babesa bermatzeko.
Bisitariek hainbat sektoreri zuzendutako erabilera kasu pertsonalizatuak sortu ahal izango dituzte, eta ingurune errealista eta kontrolatu batean probak eta esperimentuak egin ahal izango dituzte. Gainera, laborategiak datuak aztertzeko gaitasun handia dauka, eta horrek aukera emango die negozioari buruzko erabakiak hartzeko informazio baliotsua lortzeko.
Berrikuntza digitalak balioa sortu behar du gure bezeroentzat, baina, era berean, gure sistemekin eta soluzioekin elkarreraginean dabiltzan pertsonen lan izaera hobetu behar du. 4K kamerekin hornitutako robot autonomoak dituen gure SGA plataforman integratuz gero, pickinga erraztuko da eta ahalegin fisikoa murriztu, eta, aldi berean, pertsonentzat eta ondasunentzat seguruak izango dira, eta horrek guztiak errazagoa eta eraginkorragoa egingo du gure bezeroen lana. Gure 5G pribatuak beste maila batera daramatza segurtasun izaera eta AMR flotak segurtasunez kudeatzeko gaitasuna.
Poz handia da guretzat Smartlogekin batera 5G SA pribatuaren ingurunea egiazki martxan jartzen parte hartzea, non punta-puntako komunikazio azpiegitura batetik gure bezeroak ematen dituen berrikuntza gaitasunak egia bihurtzen laguntzen dugun, adimen artifizialeko eta datuen tratamendurako gure teknologiak eta gure pertsonek punta-puntako teknologien erabilerari buruz duten ezagutza aplikatuta.
Fujitsuren 5G pribatuak dituen ezaugarriak
- Soluzio pribatua, segurua eta independentea.
- 5G Stand Alone teknologia.
- Abiadura handia, latentzia txikia eta sentsoreen bolumen masiboa xurgatzeko aukera.
- Soluzio integrala, hardwarea, softwarea, instalazioa, konfigurazioa, segurtasuna, erabilera kasuak eta aplikazioak.
- Ekintza kritikoak eta ez-kritikoak kudeatzea, denbora errealean.
- Bitartekoekin, inguruneekin edo aktiboekin elkarreraginean aritzeko gaitasuna.
- Aplikazio kritikoak Edgen prozesatzea.